Profili i stafit - Dr. (C) Silvana Delia - Fakulteti i Shkencave Sociale, Turizmit dhe Sportit

FAKULTETI I SHKENCAVE SOCIALE, TURIZMIT DHE SPORTIT

GRADË DHE POZICION AKADEMIK	Dr. (C) / Lektor
STATUSI AKADEMIK AKTUAL DHE FORMIMI	Dr (C) Silvana Delia është një figurë e konsoliduar në fushën e edukimit fizik, sportit dhe shëndetit, me një profil që ndërthur ekspertizën akademike me përvojën praktike. Formimi i saj ndërkombëtar, përmes Masterit Evropian në “Aktivitet Fizik dhe Shëndet” në disa vende të Evropës si dhe masterit në Marketing dhe Menaxhim Operacional” i jep asaj një qasje bashkëkohore dhe inovative në mësimdhënie dhe kërkim shkencor. Përvoja e saj shumëvjeçare në të gjitha nivelet e arsimit si dhe drejtuese e impianteve sportive e vendos si një profesioniste me ndikim të drejtpërdrejtë në edukimin e të rinjve. Në Universitetin “Barleti”, si asistente lektore dhe koordinatore studentësh ka kontribuar aktivisht në zhvillimin e projekteve akademike dhe kërkimit shkencor. Angazhimi i saj shtrihet edhe në struktura organizative dhe vendimmarrëse, duke ndikuar në forcimin e cilësisë dhe etikës institucionale. Interesat e saj përfshijnë një qasje të gjerë ndaj sportit—nga edukimi fizik dhe shëndeti, te zhvillimi social dhe përfshirja, me fokus të veçantë në mirëqenien e nënave, fëmijëve dhe fuqizimin e grave. Pjesëmarrja në projekte Erasmus+, konferenca ndërkombëtare dhe bashkëpunime evropiane i japin profilit të saj një dimension tërheqës dhe bashkëkohor. Si autore botimesh shkencore e artistike, ajo ndërthur rolin akademik me lidershipin dhe angazhimin publik, duke u dalluar si një profesioniste me ndikim të gjerë në fushën e sportit dhe edukimit.
POZICIONI	Mban dhe ka mbajtur role aktive administrative dhe drejtuese në institucione akademike dhe organizata të shoqërisë civile, përfshirë: Zëvendës Kryetare e Shoqatës “Barleti”, Anëtare e Këshillit të Etikës në Universitetin “Barleti”, përgjegjëse e projekteve të Shoqatës “Barleti” dhe e projekteve universitare në fushën e aktivitetit fizik dhe shëndetit, si dhe koordinatore e studentëve në ciklin e parë të studimeve.
KONTRIBUTET	Angazhimi kërkimor është fokusuar në aktivitetin fizik dhe shëndetin e nënave dhe fëmijëve, rolin e prindërve në përfshirjen e fëmijëve në sport, sportin si mjet edukimi dhe zhvillimi social, si dhe politikat e edukimit fizik dhe sportit. Është autore dhe bashkautore e 6 botimeve shkencore dhe profesionale dhe ka prezantuar 9 punime në konferenca kombëtare dhe ndërkombëtare në Evropë, duke kontribuar në debatin akademik mbi sportin, shëndetin dhe zhvillimin social.
VEPRIMTARIA AKTIVE DHE FUSHAT E INTERESIT ZHVILLIMOR	Është aktive në projekte kombëtare dhe ndërkombëtare (Erasmus+, GIZ), trajnime profesionale dhe rrjete akademike, me fokus në: arsimin dhe mësimdhënien në nivele të ndryshme si dhe për përgatitjen e specialistëve të edukimit fizik dhe fitnesit; didaktikën e aktivitetit fizik dhe metodologjinë e sportit; zhvillimin fizik dhe edukativ të fëmijëve dhe të rinjve; promovimin e sportit tek vajzat dhe gratë; sportin si mjet për zhvillim të qëndrueshëm, përfshirje sociale dhe edukim olimpik. Angazhimi i saj profesional pasqyron një qasje të qëndrueshme ndaj sportit si instrument edukimi, shëndeti dhe fuqizimi komunitar, me theks të veçantë në vlerat e fair-play dhe demokracisë pjesëmarrëse.

Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania